成仔記麵食

營業中

休息中

好多食評都話雲吞好味，但我本身又唔好雲吞，咁唯有搏下其他o野。所以叫o左牛肉麵，但竟然太太都唔食雲吞，叫o左鯪魚球麵！兩碗麵差唔多時間到，我先試下個牛肉麵，牛肉唔會太諗，不過牛肉味就唔太濃。麵幾彈牙，份量算ok，湯底好清，冇鹼水味。有水準！鯪魚球麵仲正，魚肉冇魚腥味，亦冇重胡椒粉味，質地柔軟易入口。通常麵檔o既辣椒油都係好o野，所以都專登試下，果然好辣！好彩叫o左杯豆漿，豆味唔濃，勝在仲算幾滑，而且跟麵只係加$2蚊，超值！有信心應該會再o黎試下佢地o既雲吞。