Tapas Brew (Greenfield Plaza) (已搬遷) 新店位置

個西班牙乳豬係幾好食嘅，個皮好脆都幾鬆化，啲肉都好嫩，不過就有啲油膩。Tapas 方面，個蜆真係唔得，冇先未都算，有沙，嗰個湯底隻味好怪，有陣金屬/礦泉水咁嘅味，總之就唔好食。蟹餅炸一般，有啲燶，仲有炸到個外皮有啲甩咗，入面係薯蓉居多，食唔到咩蟹肉。叫咗個海鮮西班牙飯，個飯同上面啲海鮮都好乾，似係整咗好耐然之後放喺度保溫，最好食係海鮮入面嗰3塊魚。仲叫咗個一字斧頭扒，份量真係幾大嘅，但唔知點解個熟度近乎全熟，肉味欠奉，但唔算好硬。總之，唔會再嚟食呢間，價錢都有少少貴，CP 值太低，位置偏僻。