Never Too Late Dining (已結業)

話說慶祝朋友生日，專登揀左呢間西餐廳，個日晚餐時段只有大約4-5張枱客人，如果想同朋友傾下計，慢慢食，靜靜地，呢度係唔錯嘅選擇。整體上，味道都唔錯，服務都好好。我地叫左一個二人餐，其他散叫幾款麵同小食，蒜蓉包炸魷魚圈黑松露炒什菌而卡邦尼意粉份量少得驚人。一個女仔大約食5-6啖已經K.O左。我地4個女仔平均食左兩啖就已經無左。而味道，比較淡，唔夠濃味。但合格！同埋焗蟹肉乜乜菇（即其中一張相好似一舊碟上之漢堡咁嘅物體），都係相當迷你。個人建議，如果唔算特別富有嘅情侶或者朋友，我覺得唔好單叫意粉/飯，因為相比起其他，實在唔太抵。最後生日甜品有驚喜，好靚！朋友好鍾意！而且生果底下係大菜糕，洗脫油膩感。特別提一提，女服務員落單時好細心，未點到甜品時，女店員已經自動細聲咁問係咪要準備之前個個order 回想起之前食個間西餐那位店員⋯呢間醒目十幾倍！