海港酒家

營業中

休息中

真係嬲爆，聽同事講海港圍餐好食，就諗住同兩老去補食冬至飯，都預左要叫圍餐或者單叫會少選擇，最後揀左單叫五個餸，先黎個野菌燒豆腐，所謂野菌，係咬唔到既，最後只食晒豆腐。再黎上湯焗蝦球伊麵，蝦球超咸但好彈牙，仲好大隻。香芋南瓜煲，同張相唔同，仲以為叫左香芋湯，啲芋頭同南瓜大部份煲溶左，不過岩老人家食。不得不提最後兩味（一set)，金瑤扒豆苗，豆苗老過阿爺，條魚足足等左50分鐘先到，仲要催果陣喺隔離枱搶過黎，擺明漏左單。唔係有老人家喺度真係反枱，呢間真係無下次。