影片
更多
2018-05-26
99 瀏覽
朋友知我鐘意食海鮮刺身🐟，話要帶我黎呢間食好野！呢間餐廳好大間，有兩大間連舖，仲有得book獨立房,岩哂一大班人聚舊。環境好大坐得好闊落，夠乾淨！第一印象令人滿意。坐底左，先來一份開胃小菜，好惹味！呢間睇個名都知除左打邊爐，仲主打食刺身海鮮！一坐底左，職員介紹左好多海鮮刺身。款款都好正！但可惜我地得3個人，叫唔到咁多。見人地叫左一大盤刺身，好鬼正！下次叫多d人一齊食先得！我地就叫左三文魚刺身，試一試先！$48有八塊！又真係幾平喎！！！！仲睇落塊塊都好新鮮，厚切！雖然叫既唔係三文魚腩，但都好似近腩位咁！食落好肥美鮮甜！！！真係正呀！呢個一定要叫呀！叫左個餐廳推薦既 濃湯群翅雞鍋！先上一份好大碟既花膠同翅 ，份量十足！然後職員就將d花膠翅倒落雞湯 …🐓正先俾我地試一試頭啖湯！😋哇！呢個湯真係好濃既雞味。好好飲！！餐廳真係無介紹錯。👍本地手切肥牛，已經叫左細份，但都好大碟！食落都幾重牛味。淥幾淥就食得！海鮮就叫左珊瑚蚌！又係好正。咬落好爽口，口感好好。好有鮮味！份量都幾多！抵叫。中山脆鯇魚骨腩！又係比出面既份量多一倍！但價錢仲平d.好抵叫。好鐘意食脆鯇魚，呢種魚食落口感實再太爽，又夠鮮味，而
朋友知我鐘意食海鮮刺身🐟，話要帶我黎呢間食好野！呢間餐廳好大間，有兩大間連舖，仲有得book獨立房,岩哂一大班人聚舊。環境好大坐得好闊落，夠乾淨！第一印象令人滿意。
坐底左，先來一份開胃小菜，好惹味！
呢間睇個名都知除左打邊爐，仲主打食刺身海鮮！
一坐底左，職員介紹左好多海鮮刺身。
款款都好正！但可惜我地得3個人，叫唔到咁多。見人地叫左一大盤刺身，好鬼正！下次叫多d人一齊食先得！
我地就叫左三文魚刺身，試一試先！
$48有八塊！又真係幾平喎！！！！
仲睇落塊塊都好新鮮，厚切！
雖然叫既唔係三文魚腩，但都好似近腩位咁！
食落好肥美鮮甜！！！真係正呀！
呢個一定要叫呀！
叫左個餐廳推薦既 濃湯群翅雞鍋！
先上一份好大碟既花膠同翅 ，份量十足！
然後職員就將d花膠翅倒落雞湯 …🐓正
先俾我地試一試頭啖湯！😋哇！呢個湯真係好濃既雞味。好好飲！！餐廳真係無介紹錯。👍
本地手切肥牛，已經叫左細份，但都好大碟！
食落都幾重牛味。淥幾淥就食得！
海鮮就叫左珊瑚蚌！
又係好正。咬落好爽口，口感好好。好有鮮味！
份量都幾多！抵叫。
中山脆鯇魚骨腩！又係比出面既份量多一倍！但價錢仲平d.好抵叫。
好鐘意食脆鯇魚，呢種魚食落口感實再太爽，又夠鮮味，而且魚骨夠大條，唔洗怕食到魚骨！
芝心獅子狗！🧀呢個好特別，我第一次食！
又幾好，芝士夠多，一咬芝士就流哂出黎。😋
仲叫左豬膶！本身無咩期望，因為諗住都係普通豬膶。
點知食落竟然係黃沙豬膶黎！😍😍好正！
黃沙豬膶係特別爽口，同唔會有陣好重既豬膶味。食落唔會覺得腥。👍驚喜呀！
估唔到呢間既質素咁好，下次帶多d人黎食多d野先！😊
張貼
