影片
更多
2012-04-17
18 瀏覽
食過今次呢餐之後，我覺得openrice D笑臉係不能盡信的。見到容記咁多好評，所以就特登搭車黎深水埗一試佢既小菜。兩個人，叫左以下四樣食物：燒肉(細份)：做到皮脆肉嫩，不失為招牌菜，點青色芥末食味道幾夾，幾好味。招牌齋菜卷：一碟有六條，分成十二舊，兩個人食太多。味道其實無咩特別，脆脆既外表，入面有菜同竹筍，食落爽爽地。椒鹽墨魚咀：墨魚咀好細粒，外層用上厚厚既炸粉，令你睇上黎好大粒，但食落就好大舊炸粉，好熱氣。雖然煮法係用椒鹽，但椒鹽味唔足夠，食唔到椒鹽味道，只係覺得食緊炸粉！魚腐湯：清清地既一窩湯，入面有六至七舊魚腐、兩舊芋絲、少量粉絲、冬菇金菇同西蘭花，味道清淡。以佢所用既材料來計，應該再賣平d！每樣食物都係$68，兩個人就$300埋單，以如此質素的小菜，個人認為略貴，唔抵食。今次特登走黎搭車食，但除左燒肉之外就無滿意食物，真的好普通，所以要俾個喊！
見到容記咁多好評，所以就特登搭車黎深水埗一試佢既小菜。
兩個人，叫左以下四樣食物：
燒肉(細份)：做到皮脆肉嫩，不失為招牌菜，點青色芥末食味道幾夾，幾好味。招牌齋菜卷：一碟有六條，分成十二舊，兩個人食太多。味道其實無咩特別，脆脆既外表，入面有菜同竹筍，食落爽爽地。
椒鹽墨魚咀：墨魚咀好細粒，外層用上厚厚既炸粉，令你睇上黎好大粒，但食落就好大舊炸粉，好熱氣。雖然煮法係用椒鹽，但椒鹽味唔足夠，食唔到椒鹽味道，只係覺得食緊炸粉！
魚腐湯：清清地既一窩湯，入面有六至七舊魚腐、兩舊芋絲、少量粉絲、冬菇金菇同西蘭花，味道清淡。以佢所用既材料來計，應該再賣平d！
每樣食物都係$68，兩個人就$300埋單，以如此質素的小菜，個人認為略貴，唔抵食。
今次特登走黎搭車食，但除左燒肉之外就無滿意食物，真的好普通，所以要俾個喊！
張貼
