LIFETASTIC (已結業)

😮哩間餐廳係尖沙咀食過一次，今次去到西環分店又有新驚喜。西環同尖沙咀分店店內環境截然不同，尖沙咀就比較華麗，西環分店就文青啲，放左好多有趣小擺設，環境一樣舒適。除左店舖環境，餐牌都有些少分別。西環哩間除左甜品仲有其他小食、意粉，扒類等主菜，可以係到食個晚餐嘆埋個甜品，好幸福呀☺️。以為哩到剩係蛋糕做得出色，估唔到意粉質素都咁好。意粉軟硬度控制得好好，又好入味。配料唔多，不過果粒火腿肉真係勁香好好食，雖然充滿油脂，不過勝在入口即溶❤️❤️。哩個窩夫賣相相當吸引，成幅藝術品😊。窩夫口感好好，士多啤梨都好甜，不過最值回票價一定係果兩球大大既Movenpick雪糕球，當日係藍梅芝士雪糕味❤️。蛋糕今次就點左之前未食過既栗子蛋糕同荔枝玫瑰蛋糕。栗子🌰同杏仁製既蛋糕質感我覺得係最夾。栗子味好突出，所以就唔會太甜。哩個蛋糕荔枝味就唔太突出，反而玫瑰花香味就比較明顯，味道幾清新。