i CREMERiA Café (已結業)

一直都好想試呢間野既雪糕甜品，但唔捨得。近來發現佢竟然做埋西餐，有主食食，太吸引了吧！😱9點鐘先去食野，已經好肚餓。同買雪糕一樣，係counter點左先，然後拎個number牌，自己搵位坐低，佢就會有人送餐。等左一陣，就已經上菜啦！😉—一個鐵盤盛住所有野，睇落去賣相真係幾吸引。😍藍妹好鐘意佢有杯小花，好精緻，令成個晚餐多左種浪漫感覺。😳—加錢可以有湯同野飲，果日既湯係南瓜湯，藍妹覺得比較淡，需要更多調味。至於野飲，凍檸茶，睇個樣都覺得唔同啦。佢唔係平時係餐廳飲果種茶包沖既，反而似維他檸檬茶，藍妹覺得都唔錯既。😌—野菌黑松露忌廉寬麵（野菌、黑松露、洋蔥、意大利香菜）香，好香，真係好香。野菌同黑松露既香味實在好濃郁，令藍妹要讚3次。😬好耐冇食過咁足料既意粉，野菌係多到唔想食咁濟。調味恰到好處，所有既香料，白汁都配合得好好，味道非常協調。☺️白汁唔會過多，適量咁黏係每條麵條上面。👍—鹿兒島溫泉蛋卡邦尼意粉（意式風乾煙腩、蘑菇、溫泉蛋）因為男朋友間中都會整卡邦尼意粉，所以藍妹對呢道菜既要求都會比較高。好難得，今次呢個係近來食過最出色既。😀味道好接近男朋友整既，芝士味唔會搶左配料同白汁既味道。另外