春禧堂台灣料理餐廳 (已搬遷) 新店位置

是咁的。見新開就試下。平日下午一點三十分到達，有位直入，一個人坐四人枱。店家話可能遲些要搭枱，午餐時段正常合理。餐廳係以前泰菜嗰舖，應該用番之前裝修，簡潔正常，看上去乾淨衞生。枱嘅間隔亦合理。全自助掃code落單，可以俾埋錢，唔錯。不過唔知點解係出左英文，有點奇怪，有過事旦。午餐叫了鹽酥雞排滷肉飯加凍Latte，$76合理。杯Latte，我俾零分。送上枱時侍應話凍啡，我當時覆緊Whatspp無特別留意。之後見到杯野即問第二個係乜黎，佢話凍啡就走左。之後再揾第三個，佢話唔係叫凍啡咩，幫你印張單出黎。見到張單，佢話你嫌小奶，咁我同你加多些奶囉！真心唔駛啦。杯所謂Latte，係差過茶記普通凍啡，根本完完全全唔係Latte，有乜理由仲要加錢呀！主菜上場。個肉燥飯鬼死咁多肥豬肉，我真係唔識食，亦未食過咁有特色嘅肉燥飯。肥豬肉係手指尾指甲咁上下大，口感好差！飯就淋過頭，不過就算係正常。個雞排，另我想起小學嘅薄如嬋翼啲火腿麵。個塊雞排，係一至兩塊火腿咁厚，粉就鬼死咁多，但又完全無鹽顆。真心未食過呢款雞排，今次大開眼界，之後草草食完，早走早著。整體來講，食品差，其他可以。我就唔會有下次。