意粉狂熱 (屯門時代廣場北翼)

營業中

休息中

朋友剛失戀心情吾多好，作為老友梗係要開解吓佢。佢話想飲酒，我擔心佢酒後失控，唔想佢飲太多。所以專登唔去酒吧，揀咗間西餐廳。呢間西餐廳叫做意粉狂熱，係日式嘅西餐廳；有啤酒，紅白酒同西班牙酒，價錢都算抵飲。我叫咗個羊架配薯條，加$38可以多個湯同飲品，我揀咗南瓜忌廉湯同埋芒果橙汁。南瓜忌廉湯夠濃有南瓜味好飲，香橙芒果汁就一般。至於羊架都算好好味，但就嫌佢唔夠酥；不過呢個係個人喜好啦。朋友冇乜胃口，只係叫咗個廚師沙律，平平哋$48。但我見佢都算豐富有雞蛋，三文魚芝士，睇落都幾靚，少少哋當浪吓肚，飲酒無咁易醉。有人話甜品係治愈心靈嘅良藥，最後我都叫咗個朱古力窩夫同佢share；希望佢能盡快收拾心情重新開始啦。