西貢松記車仔麵

營業中

休息中

剛剛一年無黎依間人氣車仔麵喇，印象中車仔麵好好味！今日發生咩事？服務勁差，叫左三四次落單都話等陣，再叫多次，阿姐話佢落唔到單，佢唔係負責落單囉！keep 住埋頭苦幹地執枱。只有一個樓面可以落單？朋友仔等左半個鐘個通粉都未到，我醒目梗係食車仔麵啦，行出去即叫即做五分鐘唔洗有得食，哈哈。眼見廚房霖晒檔，大量西式早晨做唔切，即食麵、意粉、通粉、煎蛋、等等，排晒長龍。我都食完碗伊麵走得喇，朋友仔碗通粉都未到。隔離枱叫極落 order 叫到發脾氣都無人理，黑面著火！成枱起身走人！豬紅牛筋牛肚伊麵多汁，豬紅好鮮甜入味啊！入口彈彈的，咬口裡面嫩滑，好味。啖啖骨膠原既牛筋軟棉棉又滑溜，炆得非常入味可口。毛肚棉而彈又索汁，一邊趙一邊肉汁激射而出，好有快感，再用伊麵卷埋一齊食，正到痺！最後試埋桂林辣椒油，濃郁咸香帶味辣，增添地道風味！