得龍生哥美食

營業中

休息中

得龍大飯店係新蒲崗老字號 就係人都知。 前嗰排喺得之佢 要結業都有啲唔捨得。 幸好 佢終於重開， 雖然只係做外賣生意， 冇得再食返一盅兩件， 特麗佢啲外賣水準都唔錯㗎。 陳皮鴨腿湯飯 一客湯飯買40蚊， 價錢廉宜但係水準卻係幾高， 最緊要係大件夾抵食。 鴨肉湯飯 食得出得龍捨得用靚陳皮 ， 飲落有淡淡陳皮香 ， 湯色清而不俗 ， 鮮濃香醇 ，而且鴨脾大大件， 鴨皮下的肉仍然粉嫩， 湯頭有齊芫茜， 冬瓜 同冬菇， 拌白飯吃， 成碗湯渣都冇得整。而且買外賣仲會送多碗例湯，是日例湯係青紅蘿蔔煲豬骨湯， 勁多青紅蘿蔔，清甜而有肉味， 最重要係不帶味精，不錯。 除咗外賣飯， 得龍亦都買埋特大炸魚蛋同埋豬皮， 可以揀沙嗲或者咖哩汁， 炸魚蛋爽口彈牙非常， 最重要係自家製咖哩醬炒得香口， 秘製十幾廿樣香料調配而成， 卻又不會過咸， 當豬皮索曬啲汁之後 ， 食到停唔到口 。