影片
更多
2024-05-20
108 瀏覽
-陳鵬鵬潮汕菜館-📍沙田.經過沙田新城市廣場7樓，見到有間新開嘅潮汕菜餐廳，望見櫥窗嘅食品展示都好似好吸引，於是就決定喺度晚餐。.原來呢間喺國內都好出名，價錢唔貴而且選擇好多。.點完茶後侍應會送上呢個小食，係黑糖味好重嘅脆餅，咬落中間係空心嘅，十分有趣。.蜜蘭香茶葉的選擇都有6種，其中鴨屎香、蜜蘭香和通天香比較少聽到。選擇了蜜蘭香，係青茶的一種，顏色較淡，而飲落很輕盈清甜。.金獎潮鹵拼盤 ($128)用咗秘製嘅草本老湯去炮製嘅拼盤，新鮮現製，入味之餘味道又好有層次。份量好多，有鵝片、掌翼、廣章、豆腐和糖心蛋。廣章比較特別，係潮汕特式豬肉條，食落有點似扎肉和貢丸之間。.香煎鯧魚 ($128)份量都唔少，而且好細心地切成小塊，將鯧魚嘅魚皮煎至乾脆金黃，食落肉質嫩滑。而且冇乜細骨，連不太識食魚嘅朋友都大讚。.南澳蠔仔烙($98)好欣賞佢哋用左2層碟去上菜，令蠔烙唔會因為放耐左而被油浸返軟身。食落同一般嘅蠔烙有些少分別，呢款食落更軟糯，而且蠔仔都好大粒新鮮，加埋胡椒粉提味，非常滿足。.潮汕七樣菜($68)點咗呢款比較清淡嘅潮汕七樣菜，七種唔同嘅蔬菜加埋肉碎煮成，湯頭清甜不油膩。.海鮮砂鍋粥($
-陳鵬鵬潮汕菜館-📍沙田
.
經過沙田新城市廣場7樓，見到有間新開嘅潮汕菜餐廳，望見櫥窗嘅食品展示都好似好吸引，於是就決定喺度晚餐。
.
原來呢間喺國內都好出名，價錢唔貴而且選擇好多。
.
點完茶後侍應會送上呢個小食，係黑糖味好重嘅脆餅，咬落中間係空心嘅，十分有趣。.
蜜蘭香茶葉的選擇都有6種，其中鴨屎香、蜜蘭香和通天香比較少聽到。選擇了蜜蘭香，係青茶的一種，顏色較淡，而飲落很輕盈清甜。
.
金獎潮鹵拼盤 ($128)用咗秘製嘅草本老湯去炮製嘅拼盤，新鮮現製，入味之餘味道又好有層次。份量好多，有鵝片、掌翼、廣章、豆腐和糖心蛋。
廣章比較特別，係潮汕特式豬肉條，食落有點似扎肉和貢丸之間。
.
香煎鯧魚 ($128)份量都唔少，而且好細心地切成小塊，將鯧魚嘅魚皮煎至乾脆金黃，食落肉質嫩滑。而且冇乜細骨，連不太識食魚嘅朋友都大讚。
.
南澳蠔仔烙($98)好欣賞佢哋用左2層碟去上菜，令蠔烙唔會因為放耐左而被油浸返軟身。食落同一般嘅蠔烙有些少分別，呢款食落更軟糯，而且蠔仔都好大粒新鮮，加埋胡椒粉提味，非常滿足。
.
潮汕七樣菜($68)點咗呢款比較清淡嘅潮汕七樣菜，七種唔同嘅蔬菜加埋肉碎煮成，湯頭清甜不油膩。
.
海鮮砂鍋粥($98)用砂鍋煮煮成嘅粥，口感特別滑身。有各式各樣嘅海鮮，如海蝦、蜆和蠔仔等，令到粥底更加清甜。
.
張貼
