秋意 (成業工業大廈)

營業中

休息中

觀塘成業工業大廈入面有間餐廳叫「秋意」。見個名幾得意就去試下。酸辣薯仔絲酸多過辣，唔會辣到食唔到，開胃又涼快～啱曬我呢個唔食得太辣嘅人。入面有蒜片食落更香口。例牌豉油雞雞肉嫩滑。預先起曬骨，啖啖肉食得好爽快！😋落左甜豉油，食落甜甜地，好味到連平時唔食雞皮嘅我都食埋塊雞皮！見呢度有燉湯飲就嗌個試下。燉湯重係每日限量同埋用左六小時製作，剩係呢番心機同誠意已經值滿分啦！👏🏻花膠竹絲雞燉蟲草花湯入面有花膠、雞腳、蟲草花、竹絲雞、龍眼同杞子，十分足料！花膠重要大大塊！😍女士一定要嗌番個補充骨膠原。燉湯用個盅裝住夠曬熱，冬天飲滋補又暖胃～🥰秋意特色酸菜魚有豆卜、芽菜、芋絲、雲耳、萵荀重有薯粉，多料到我同朋友都食唔曬，好飽！😹🙈入面加左花椒，食落好香。萵荀爽脆。魚用上鯇魚，脆口無骨嫩滑唔鯹。