朱敏記桑拿菜 (已結業)

今日約朋友聚舊, 去到土瓜灣搵野食, 朋友仔話想食酸菜魚, 經過朱敏記大排檔見到有酸菜魚食, 咁就唔洗諗啦.自己不嬲好鍾意去大排檔食野, 貪佢咁鑊氣, 又惹味, 價錢又實惠, 2-3個人啤啤佢又得.2個人唔可以叫太多, 叫左個酸菜魚同呢求最出名嘅農家土窯雞酸菜魚 – 份量十足, 酸辣程度剛剛好, 唔會搶到2者嘅味道. 魚肉嫩滑, 鮮甜, 用黎送飯真係開胃醒神.農家土窯雞 – 以為平平無奇嘅雞, 竟然可以煮得咁好食, 雞味香濃, 雞肉嫩滑, 最正係一手撕開後, D雞汁多到流哂出黎. 用手食重更加有Feel