影片
更多
2021-12-01
437 瀏覽
小島料理係一間位於大角嘴嘅隱世日式小店💛，主打慢煮牛丼🤩 淨係睇相已經流晒口水🤤本身餐牌上面嘅有2款慢煮牛丼係用西冷同肉眼，但我哋去食嘅當晚就將肉眼轉咗牛板腱😋因為之前都有睇過其他話夜晚去食有機會賣晒食唔到，所以我當日下晝有專登whatsapp店主留定2個🤤 可以一次過試晒兩款牛丼🥰 而食肉獸嘅我同朋友都揀咗大盛，因為餐牌寫每個size嘅飯量都係約300g，而肉嘅份量就係隨size增加30%~ •📸 昆布鰹魚湯+是日漬物 🆓每個丼飯都會送玄米茶/昆布鰹魚湯，但我同朋友都揀咗昆布鰹魚湯，飲落都幾濃鰹魚味，但飲完都唔會好口渴～ 而是日漬物就唔記得咗佢叫咩名，但食落其實口感同味道都好似爽口啲嘅中華沙律🤣•🥢慢煮牛板腱牛丼 $110 (大盛)每個慢煮牛丼都會附上生菜絲、日本生蛋、乳酪同蔬菜～ 生蛋同乳酪撈飯好正就基本啦，其實個飯都加咗少少燒汁，味道淡淡哋唔會太搶～ 飯同肉中間仲加咗生菜絲，令到成個配搭清新啲，無咁膩🤤呢次我哋去食就配咗翠玉瓜，食落好有牛油香，而且好juicy，幾有驚喜😋講返個主角：慢煮牛板腱一咬落去啲肉味就爆發出嚟，肉質好腍好嫩🤤•🥢 慢煮西冷牛丼 $90 (大盛)慢煮西冷嘅肉
本身餐牌上面嘅有2款慢煮牛丼係用西冷同肉眼，但我哋去食嘅當晚就將肉眼轉咗牛板腱😋
因為之前都有睇過其他話夜晚去食有機會賣晒食唔到，所以我當日下晝有專登whatsapp店主留定2個🤤 可以一次過試晒兩款牛丼🥰 而食肉獸嘅我同朋友都揀咗大盛，因為餐牌寫每個size嘅飯量都係約300g，而肉嘅份量就係隨size增加30%~
•
📸 昆布鰹魚湯+是日漬物 🆓
每個丼飯都會送玄米茶/昆布鰹魚湯，但我同朋友都揀咗昆布鰹魚湯，飲落都幾濃鰹魚味，但飲完都唔會好口渴～ 而是日漬物就唔記得咗佢叫咩名，但食落其實口感同味道都好似爽口啲嘅中華沙律🤣
•
🥢慢煮牛板腱牛丼 $110 (大盛)
每個慢煮牛丼都會附上生菜絲、日本生蛋、乳酪同蔬菜～ 生蛋同乳酪撈飯好正就基本啦，其實個飯都加咗少少燒汁，味道淡淡哋唔會太搶～ 飯同肉中間仲加咗生菜絲，令到成個配搭清新啲，無咁膩🤤呢次我哋去食就配咗翠玉瓜，食落好有牛油香，而且好juicy，幾有驚喜😋
講返個主角：慢煮牛板腱一咬落去啲肉味就爆發出嚟，肉質好腍好嫩🤤
慢煮牛板腱牛丼
$110
4 瀏覽
0 讚好
0 留言
•
🥢 慢煮西冷牛丼 $90 (大盛)
慢煮西冷嘅肉味就重啲同細膩啲，但啲肉味係隨著咀嚼變濃，西冷比牛板腱無咁多脂肪，所以食落都比較有咬口～
慢煮西冷牛丼
$90
11 瀏覽
0 讚好
0 留言
•
💬 左邊嘅係西冷，右邊嘅係牛板腱～ 兩塊肉都係非常粉嫩😍 西冷嘅紋路比較整齊；而牛板腱嘅紋路就比較亂🤣
兩款比較之下，我同朋友都一致認同牛板腱比較好食😋 因為牛板腱嘅肉味真係比較香同突出🤩
張貼
