Nomad Burger (海福商場) (已結業)

之前聽朋友介紹過呢間Nomad burger，今日見到外賣平台有得叫，即刻叫咗個外賣嚟食😋我哋叫咗個二人餐 ($188)～我真係太鍾意食大啡菇，我哋都叫咗一人一個松露安格斯牛菇漢堡 🍔個賣相都好唔錯，而且送到過嚟個包都仲係暖😚我個人非常欣賞個麵包，好鬆軟而且好香，一啲都冇比啲汁整到淋哂～可能就係因為咁，店家揀咗羽衣甘藍入去，相對乾身，唔會係啲出水嘅蔬菜～我另外欣賞嘅係佢個大啡菇，keep到好豐富嘅汁，咬落去覺得舊菇好嫩啊！當然唔少得牛肉，佢煎得啱啱好，有肉汁，亦非常之濃牛味👍調味唔會太鹹～我就算拎住食，都好方便咁食哂成個，唔會散哂～呢個burger都算係我近年食過最好食嘅burger😋呢個餐仲包咗小食，我哋叫咗三重松露薯條 (大) (加$18)🍟份量真係幾多，個醬有好濃嘅黑松露味，同時都有陣酸酸嘅沙律醬味～都幾好食，不過食到最後會有少少膩感🤣另外，呢個餐仲包兩罐汽水～我覺得呢間真係好有驚喜😋朋友果然冇介紹錯🤣