好運泰國美食

營業中

休息中

細個係新蒲崗住, 雖然地方唔算大, 但其實都暗藏唔少好食既餐廳, 仲好記得細個一放學就去新蒲崗廣場買菠蘿冰食, 有時仲會跟屋企人食下日本野, 最近發現新蒲崗廣場有間泰菜都幾出名, 上星期同屋企人回到此地食晚飯, 原來係我以前食開既日本菜餐廳同一鋪位, 依家開左日式同泰式兩邊, 雖然有少少隱蔽, 加上平日關係, 自然人流都少啲餐牌食物價錢唔貴, 叫完野食十分鐘左右, 野食就好快送上我地叫左個泰式皮蛋釀蝦餅, 一份有八件咁多, 蝦餅好彈牙, 食得到個蝦味好突出, 而且炸到個外皮好脆, 點埋泰式辣醬連皮旦咁一齊食, 好正!冬蔭功鮮蝦炒飯我地叫左少辣, 但都比想像中辣, 如果食唔到辣真係叫BB辣就夠, 冬蔭功既酸味比較強, 炒飯粒粒分明, 好足料之餘, 鮮蝦都幾彈牙, 愈食愈過癮泰式蟹肉煎蛋餅炸到好似炸蛋一樣, 入口好酥脆, 蟹肉份量都唔少, 真係真材實料既蟹肉一嚿嚿係蛋入面, 點辣醬食好正, 唔會食到成口油, 唔錯!估唔到鋪仔細細都食到唔錯既泰菜, 唔洗一定要去九龍城食, 又多個選擇!