影片
更多
2016-06-24
2277 瀏覽
隱世嘅美味烤魚前家樂，好耐無見，今次又去朝聖一下，雖然每次一聽到奧運，住港島區嘅我就想即刻打個退堂鼓，但係每次去到都覺得好值得去喎，特別係一大班人去食飯，可以食多幾樣。今次兩個人就叫左個烤魚--家鄉酸菜烤鯇魚。兩個人食半條就卓卓有餘。酸菜味道似係譚仔嘅酸菜，甜甜酸酸的，正是我最愛嘅味道。烤魚十分大條，肉質鮮美嫩滑，起初都好驚鯇魚會有d草青味，但係食落又完全唔覺喎，完全無草青嘅味道。湯底嘅味道有特色，唔會只得辣油嘅味道，提議叫小辣或以下的辣度，小辣我覺得剛剛好，朋友已經覺得非常辣。烤魚內還有好幾款配菜(洋蔥，白蘿蔔，芽菜，克木耳，豆卜，莞茜)除左肉之外，蔬菜係吸收湯味最好嘅菜料，蔬菜愈煮得淋，味道就愈豐富。好似白蘿蔔甘，成舊都變唒色，已經非常淋，非常入味。其實兩個人食一條魚已經非常夠，但係好貪心嘅我，梗係覺得要食多幾種嘢食，個人先會滿足d。所以另外就點左響鈴，秋葵，墨魚滑同埋紅薯粉。響鈴雖然唔係剛出來熱新辣的，但係味道不錯，都很脆口。秋葵，唔係每個人都接受到嘅口感，有點黏黏，平常我都係食涼菜嘅時候配以辣醬食嘢。今次第一次試食烚嘅，味到清香，係一個蔬菜類不錯嘅選擇。順帶一提，原來店家有個麻
前家樂，好耐無見，今次又去朝聖一下，雖然每次一聽到奧運，住港島區嘅我就想即刻打個退堂鼓，但係每次去到都覺得好值得去喎，特別係一大班人去食飯，可以食多幾樣。
今次兩個人就叫左個烤魚--家鄉酸菜烤鯇魚。兩個人食半條就卓卓有餘。酸菜味道似係譚仔嘅酸菜，甜甜酸酸的，正是我最愛嘅味道。烤魚十分大條，肉質鮮美嫩滑，起初都好驚鯇魚會有d草青味，但係食落又完全唔覺喎，完全無草青嘅味道。湯底嘅味道有特色，唔會只得辣油嘅味道，提議叫小辣或以下的辣度，小辣我覺得剛剛好，朋友已經覺得非常辣。
烤魚內還有好幾款配菜(洋蔥，白蘿蔔，芽菜，克木耳，豆卜，莞茜)除左肉之外，蔬菜係吸收湯味最好嘅菜料，蔬菜愈煮得淋，味道就愈豐富。好似白蘿蔔甘，成舊都變唒色，已經非常淋，非常入味。
其實兩個人食一條魚已經非常夠，但係好貪心嘅我，梗係覺得要食多幾種嘢食，個人先會滿足d。所以另外就點左響鈴，秋葵，墨魚滑同埋紅薯粉。
響鈴雖然唔係剛出來熱新辣的，但係味道不錯，都很脆口。
秋葵，唔係每個人都接受到嘅口感，有點黏黏，平常我都係食涼菜嘅時候配以辣醬食嘢。今次第一次試食烚嘅，味到清香，係一個蔬菜類不錯嘅選擇。
順帶一提，原來店家有個麻辣醬可以提供嘅，麻味十足，麻子的香味濃，我咬開左一粒即刻成口都係麻香味，非常好。(點秋葵食，仲正！)
另外就係墨魚滑，由於係現打嘅，可能我食6點多太早，所以第一次點菜嘅時間都未能供應。到第二次點菜嘅時候終於有，令我十分期待。呢到嘅墨魚滑食起來，墨魚味濃的，間中食會有一兩粒墨魚肉，唔會似出面嗰d粉太多，搞到連墨魚味都無。肉質介乎爽口同淋身之間，口感剛好，正宗嘅墨魚滑，絕對值得試一下！另外還就蝦滑，可以選擇同墨魚滑雙併，人小的話可以選擇雙併，可以一次試唒兩隻味道。
再煮叫了個薯粉，建議薯粉煮耐d同埋差不多最後先煮，甘樣湯滖得愈耐味愈重，煮出嚟嘅薯粉先會好食。
總括來說，整體嘅味道係好味之上。唯一可能係多人，而且又開火爐關係，覺得冷氣稍為熱左小小，可以改善一下。如果你問我下次甘遠仲會唔會搭車過嚟，我依家食過之後會答你會，因為還想試下其他雞煲或椰子雞煲！試下味道係咪同烤魚一樣甘正！張貼
