影片
更多
2024-09-08
1094 瀏覽
星期日入大埔行超級城，夜晚搵間餐廳chill吓。聽講隱世西餐廳OX Steak Lounge最近新易手，就入嚟試吓佢嘅嘢食。“OX Steak Lounge”打開menu，最吸引我目光嘅main dish係”黑松露鵝肝威靈頓牛柳”同”傳統英式布袋牛柳”。一聽就知係好難整嘅手工菜式，當然一次過試晒佢哋😂。因為咁，我哋叫咗兩個唔同嘅set ($598 set有威靈頓牛柳，而$398 set就有布袋牛柳)。自家製生牛肉他他 - 牛肉新鮮嫩滑，其實呢個係基本要求，最難嗰部份其實係調味。呢度用咗洋蔥同特殊嘅辣椒粉，令到佢有層次同活潑嘅辣度，相當唔錯。三文魚沙律配蜜糖芥末醬 - 蜜糖芥末醬係個重心，佢令到成個沙律嘅層次提升咗。龍蝦濃湯 - 茄味同龍蝦味都幾濃牛肝菌野菌忌廉湯 - 菌粒切得好大，湯嘅質感好夠，菇味就唔使講了，一定好濃自家製牛骨髓牛油包 - 餐廳名物之一。牛骨髓同牛油一同讓入牛骨入邊，搽上麵包，再點少少鹽，會有種奇特嘅平衡感，味道上好有特色。黑松露鵝肝威靈頓牛柳 - 比一般威靈頓牛柳更為複雜，因為係有鵝肝喺入邊。牛柳係一大亮點，成熟控制得宜，牛柳非常軟熟。其餘酥皮，蘑菇層味道亦良好，鵝
“OX Steak Lounge”
打開menu，最吸引我目光嘅main dish係”黑松露鵝肝威靈頓牛柳”同”傳統英式布袋牛柳”。一聽就知係好難整嘅手工菜式，當然一次過試晒佢哋😂。因為咁，我哋叫咗兩個唔同嘅set ($598 set有威靈頓牛柳，而$398 set就有布袋牛柳)。
自家製生牛肉他他 - 牛肉新鮮嫩滑，其實呢個係基本要求，最難嗰部份其實係調味。呢度用咗洋蔥同特殊嘅辣椒粉，令到佢有層次同活潑嘅辣度，相當唔錯。
三文魚沙律配蜜糖芥末醬 - 蜜糖芥末醬係個重心，佢令到成個沙律嘅層次提升咗。
龍蝦濃湯 - 茄味同龍蝦味都幾濃
牛肝菌野菌忌廉湯 - 菌粒切得好大，湯嘅質感好夠，菇味就唔使講了，一定好濃
自家製牛骨髓牛油包 - 餐廳名物之一。牛骨髓同牛油一同讓入牛骨入邊，搽上麵包，再點少少鹽，會有種奇特嘅平衡感，味道上好有特色。
黑松露鵝肝威靈頓牛柳 - 比一般威靈頓牛柳更為複雜，因為係有鵝肝喺入邊。牛柳係一大亮點，成熟控制得宜，牛柳非常軟熟。其餘酥皮，蘑菇層味道亦良好，鵝肝更加係畫龍點睛。
傳統英式布袋牛柳 - 相當奇異嘅特色菜，印象中冇喺其他餐廳見過。佢係將煙肉包住牛柳同蠔喺入邊，同樣地，最重要係牛柳嘅成熟控制，加埋蠔更加有難度。我好欣賞佢個煙肉做到香脆而唔會好韌，包住軟熟嘅牛柳係幾好嘅配合。
比利時朱古力心太軟 - 甜到控制良好，如果有埋雪糕更佳。
即磨咖啡、熱檸茶 - 正常發揮
表面上佢嘅價位唔平，但考慮到佢嘅特色菜都表現出色，烹調難度甚高，我會認為係一分錢一分貨。加上佢個set已經包埋甜品同飲品，環境亦幾浪漫，作為隱世餐廳都對得住佢嘅名氣。
張貼
