原藝 (已搬遷) 新店位置

星期五晚上，無去到繁囂嘅地區，反而去到比較隱世嘅太子區餐廳，食返啲平民少少而具質素嘅食物。呢間原藝地方雖然唔算好大，但提供嘅野食都唔少。一嚟先要一串燒帶子，以及西班牙果酒，帶子帶有海鮮嘅原有嘅鮮味，厚身而質感結實，食之前加少少鹽調味就可以。而西班牙果酒，酒味唔會好強烈，加上豐富水果嘅調配，星期五晚飲一杯就最啱。主菜加拿大豬鞍配薯蓉，豬鞍煮得爽脆，並以焦糖蘋果醬調配，非常出色。而薯蓉磨得好細，好軟滑。最後有蘋果批作甜品，真材實料用上蘋果蓉，甜味適中，撻皮香脆，絕對推介!