K&L Dream Cafe (已結業)

元朗多野食個個都知道，今日就入元朗見到依間好有特色既餐廳就入左去食。餐廳提供室內或室外既座位比唔同需要既人選擇，內外環境氣氛一流。講到西餐作為餐廳既主打，可以選擇唔同既菜色。總會有一款岩你口味首先上左一碟沙律菜作為頭盤，菜非常新鮮再配上柚子汁同埋提子乾點聚。作為頭盤都咁好食已經對之後點既菜都好期待。蒜蓉包好熱手好脆，難得一見又熱又香既蒜蓉包。蒜香味十足，推薦各位都要試一試是口餐湯係薯仔濃湯，兩個字形容「足料」。啖啖都真材實料，配埋岩岩既蒜蓉包食亦十分夾。主菜叫左巴馬火腿牛肝菌汁全蛋闊條麵。牛肝菌汁岩哂中意食濃味既朋友，夠濃又香。闊條麵亦彈牙吸埋牛肝菌汁令人食唔停。另一碟係烤春雞松子仁白松露意大利飯，烤春雞鮮嫩多汁，意大利飯燴得入味。兩碟主菜誠意推介。