ROSIE

營業中

休息中

朋友話帶我去一間高質嘅pasta cafe，地點係有啲難搵，搵咗一陣先搵到原來係葵芳屋邨入面嘅商場地下☘️去到都幾surprise因為裝修靚係文青cafe feel，價錢亦都合理🌸對pasta同咖啡有要求嘅pasta 迷必到😎🧈香草牛油封門牛肉汁意粉上面有一小舊牛油，店員會係你面前燒溶佢，令意粉食落更加有層次感。上面有幾塊封門牛肉，生熟度同肉質啱啱好。意粉份量都幾多，有咬口，入面再有好多牛肉絲好足料。Feel到佢哋用心做意粉，同連鎖店有分別。🥑牛油果滑蛋治好多炒滑蛋好大份，如果滑蛋用蛋味濃啲嘅蛋會更正。多士表皮係脆同埋搽上牛油夾埋一齊食好邪惡。☕️梳乎厘泡沫咖啡咖啡酸味比較輕，苦味比較重，上面有一個梳乎厘泡沫啱啱好甜甜地中和咗咖啡嘅苦味。🍹青檸薄荷綠茶好refreshing嘅特飲。