幸運星

營業中

休息中

朋友介紹一定要試依間既雞批同菠蘿油。疫情之下外賣咗兩個雞批（ $18.1件）同埋一件菠蘿油（ $16 ）。雞批色澤金黃，飽滿。翻熱後，第一啖咬落去，絕對有驚喜！曲奇餅皮厚度適中，不會過薄亦不會過厚👯👯餅皮出奇地鬆脆，有濃濃嘅牛油味，食落去唔會過硬，亦都冇油膩感，令人越食越多。入邊個餡都10分足料，濃厚掛口嘅白汁洋蔥配上香滑嘅雞脾肉。基本上淡淡都有肉，食過咁多雞批，未食過咁高質素嘅雞批！至於菠蘿油，食過兩次。第一次買係10:00。係新鮮焗起嘅菠蘿包，脆脆嘅菠蘿皮加軟熟嘅包，配上一塊大又微軟既牛油，10分好吃。第二次買外賣係早上7:30 ，唔知道係唔係尋日嘅包買唔晒，所以食得出是隔夜包。味道打折扣。但整體而言，銅鑼灣缺乏高質素嘅茶餐廳連麵包店，幸運星絕對係首選。雖然佢價錢偏貴，但係食物質素高， 1分價錢1分質素。食夠$50 ，佢仲會送你一張$6嘅優惠券下次有。變相俾咗八八折你！另外我們叫一杯熱奶茶同一杯凍檸茶。隻外賣杯都大過其他外賣店既杯，抵飲！