垣記雞蛋卷

營業中

休息中

去開土瓜灣做嘢！同事介紹呢間蛋卷好好味！行到門口見一個燈箱仔，去到推開玻璃門，原來唔使行入去！門內有圍欄！入面都唔像賣食物嘅店舖！有個叔叔招呼，講咗要嘅款式，佢在旁邊嘅木櫃攞蛋卷，背心膠袋袋好比錢走得！包裝好簡單，一個zip透明膠袋，一眼睇晒！鳳凰卷（$32半磅）好鬆脆，係鬆到一咬就脆！外皮好薄，蛋香濃！椰絲花生好香！完全停唔到手！正！雞蛋卷($30半磅）無鳳凰卷咁多餡，所以仲覺得脆皮好鬆脆，好味過澳門嘅多多聲！喜歡蛋卷嘅媽咪掃晒！食得出新鮮做，因為一放得耐無呢陣蛋香味！店員叔叔唔出聲，不過好爽手！地方唔方便，不過喜歡蛋卷嘅值得去買來食！