影片
更多
2021-08-22
235 瀏覽
又到慶祝特別日子，係omakase關注組見到好多朋友都推介呢間餐廳，於是就黎試吓啦！餐廳喺希雲街嘅盡頭，我哋都搵路搵咗好耐。佢都真係有啲入。揸車嘅朋友亦都可以泊車喺門口，十分方便。餐廳地方闊落，經過玄關位，左邊去食鐵板燒，右邊係食omakase。餐廳用木作風格，一如既往，師傅會詢問客人嘅喜好。而侍應亦好快手送上餐牌，今次揀嘅係murasaki sushi ($540)。首先就送上茶碗蒸同沙律。正正常常，冇咩太大特別。食完前菜，師傅就準備壽司。第一件係左口魚。師傅話加咗青檸汁同柚子皮。左口魚油脂豐富，配合青檸汁和柚子皮，帶嚟一種清新嘅感覺，油而不膩。由於係第一件所以係最淡味嘅。第二件係深海池魚司壽配炒木魚花和白蔥。相比起第一件壽司，我認為冇上一件為之驚艷，但係亦可見到師傅嘅心思。炒木魚花為深海池魚帶來一種咸香。第三件係小肌魚，上面配咗小小薑蓉。小肌魚魚味相對較濃，薑蓉可以中和濃味。第四件係北海道毛蟹，個人覺得比較出色。壽司入邊仲有蟹膏，蟹肉鮮甜，唔會有霉嘅感覺。而且好足料，放入口成口都有蟹嘅味道。第五件係吞拿魚後腹小卷。師傅完成後再三叮囑要即刻食，不過個人認為比較普通。第六件係梳子魚壽司
首先就送上茶碗蒸同沙律。正正常常，冇咩太大特別。食完前菜，師傅就準備壽司。
第一件係左口魚。師傅話加咗青檸汁同柚子皮。左口魚油脂豐富，配合青檸汁和柚子皮，帶嚟一種清新嘅感覺，油而不膩。由於係第一件所以係最淡味嘅。
第二件係深海池魚司壽配炒木魚花和白蔥。相比起第一件壽司，我認為冇上一件為之驚艷，但係亦可見到師傅嘅心思。炒木魚花為深海池魚帶來一種咸香。
第三件係小肌魚，上面配咗小小薑蓉。小肌魚魚味相對較濃，薑蓉可以中和濃味。
第四件係北海道毛蟹，個人覺得比較出色。壽司入邊仲有蟹膏，蟹肉鮮甜，唔會有霉嘅感覺。而且好足料，放入口成口都有蟹嘅味道。
第五件係吞拿魚後腹小卷。師傅完成後再三叮囑要即刻食，不過個人認為比較普通。
第六件係梳子魚壽司，呢款係季節限定。魚身被火輕輕彈過。火炙逼出咗魚本身嘅魚油，但都不失其魚香。
第七件都係季節限定，沙甸魚壽司。上面配左三星漬，即係麵豉，辣椒同芝麻。個人覺得比較特別，亦都係相對地少食嘅一款。
第八件係赤貝，上面加咗青檸汁。赤貝正常發揮，鮮甜彈牙。
第九件炙燒銀鱈魚壽司。亦都係個人比較鍾意嘅一件。銀鱈魚非常嫩滑，鮮甜有油香。
第十件係拖羅壽司。師傅強調魚係野生藍鯨吞拿魚。話雖係一件拖羅壽司但實際有三件拖羅。三件拖羅分別來自唔同部位，食入口唔會過於油膩，三位一體，既有魚香亦有油脂感。
第十一件係帆立貝壽司，上面有粒貝柱。成件壽司可以用兩個字形容：甜！大！
最後一件係海膽壽司。師傅話海膽有分兩種，一種係赤海膽，另一種係紫海膽。我哋食嘅係紫海膽，口感相對creamy啲。
食完12件壽司後，就會有兩舊玉子，侍應亦都會將綠茶轉為麥茶。可以揀烏冬或蕎麥麵。我哋分別揀咗熱食同凍食各一。個人認為凍食更好食，因為相對地更彈牙。另外仲會送上麵豉湯。
最後可以選擇咖啡或甜品。甜品有三款雪糕，分別係杏仁咖啡，白桃雪芭，同雲呢拿。我哋揀咗頭兩個。
整體覺得呢個價錢，食到呢個質素，真係物超所值。
張貼
