磅太太 (已結業)

今年踏足過好多特色餐廳都令我難以忘懷，其中一間必定要數到呢間隱世酒吧—磅太太。去到門口只以為是一間配匙店，經過門口旁邊嘅機關先知曉入有乾坤，入面係一間裝潢好特別嘅酒吧呢！一嚟到先點左杯cocktail—In the mood，英式茶同gin做個base，茶香又幾出再配埋gin又幾岩飲～全晚食左幾道菜，最令我印象深刻就係呢款fusion炒腸粉，入面其實好邪惡，有牛骨髓同埋好多牛肉，加埋XO醬好惹味！估唔到係酒吧可以食到醬油蝦，佢地用上天使蝦～肉厚又入味！另一道係叻沙湯雲吞，叻沙湯好濃郁，而湯底仲可蘸旁邊嘅香脆多士一齊食，超出色！平時食肉醬意粉都唔會稱奇，但呢度將腐皮代替左意粉嘅角色，真係創意滿分！而我一向都超愛腐皮所以真係超愛呢道菜！仲有點左啲串燒，脆烤鰻魚同豬肉串都好出色！最後嘅甜品都令我意想不到—鹹蛋黃雞蛋仔雞蛋仔一粒粒present更容易蘸上佢地特制嘅咸蛋黃醬，味道都好match～食物會令人喜出望外，好想再去品嚐可惜已經結業了，如果重開定必再光顧！