影片
更多
2015-02-27
1212 瀏覽
個個都話日本嘢點好點好, 啲人話日本屎都要食, 隔籬飯香, 香港啲拉麵做得好極有限, 就算係日本總店黎香港開店, 師傅走咗之後就冇料到. 老實講, 的確唔少日本响香港開嘅拉麵分店水準參次, 掛住個人氣大招牌, 俾嘅嘢同原產差一截, 久而久之, 呢個根深柢固嘅觀念, 令好多人認為香港版一定唔夠好. 其實日本都有難哽嘅麵食, 最近到大阪都食過一間老店嘅咖哩烏冬超難食.一蘭响香港超人氣, 開始時排隊排到喪, 而家都仲要排, 只不過冇咁癲啫. 好多人問香港版同日本版有咩區別, 我可以話冇分別. 份量一樣; 叉燒一樣味, 一樣薄; 湯味一樣; 麵一樣少, 一樣軟硬; 水一樣好飲. 唔同嘅係隻蛋, 响大阪果間要自己剝殼, 蘸鹽食; 坐位間板可以摺埋唔駛自閉; 啲侍應講嘅真係日文; 同埋身處日本囉.查實一蘭無論香港定日本, 一向都唔係最好食, 好食過佢嘅大把, 爭在你搵唔搵到, 值唔值. 日本一蘭一碗790yen, 十算嘅話香港都仲要貴十蚊, 而家啲yen跌成咁就更加覺得唔抵. 其實香港拉麵店都係呢個價位, 同日本比價錢根本就係傻的嗎, 食材搭飛機都要錢啦!傻豬! 一蘭勝在位置方便, 價錢商宜, 冇
豚骨拉麵 - 7級辣
$89
68 瀏覽
0 讚好
0 留言
一蘭响香港超人氣, 開始時排隊排到喪, 而家都仲要排, 只不過冇咁癲啫. 好多人問香港版同日本版有咩區別, 我可以話冇分別. 份量一樣; 叉燒一樣味, 一樣薄; 湯味一樣; 麵一樣少, 一樣軟硬; 水一樣好飲. 唔同嘅係隻蛋, 响大阪果間要自己剝殼, 蘸鹽食; 坐位間板可以摺埋唔駛自閉; 啲侍應講嘅真係日文; 同埋身處日本囉.
查實一蘭無論香港定日本, 一向都唔係最好食, 好食過佢嘅大把, 爭在你搵唔搵到, 值唔值. 日本一蘭一碗790yen, 十算嘅話香港都仲要貴十蚊, 而家啲yen跌成咁就更加覺得唔抵. 其實香港拉麵店都係呢個價位, 同日本比價錢根本就係傻的嗎, 食材搭飛機都要錢啦!傻豬!
一蘭勝在位置方便, 價錢商宜, 冇花巧, 味道質素維持, 各方面平均. 佢唔係最好, 但係依然好過好多麵店; 佢冇特色, 但係樣樣都到門檻. 就喺你惆悵緊食邊間拉麵, 又唔知邊間好食, 又或者想食果間排長龍, 一蘭就係你嘅拉麵店安全網.
題外話/補充資料：
當日用餐時間係凌晨4:30, 等候人數4人.....
(以上食評乃用戶個人意見 , 並不代表OpenRice之觀點。)
張貼
