海幸壽司 (已結業)

何文田自由道成條街都好多餐廳選擇，見到哩間餐廳個裝修吸引咗我嘅目光，一於入去坐底食晚飯兩個人晚餐，叫咗兩款刺身：帆立貝同油金魚師傅好有心機切開三份，帆立貝食落口有甜味；油金魚都好肥美，好新鮮！wasabi係正宗日式芥末，加少少豉油已經夠哂！我哋見到餐牌有新鮮生蠔，叫咗兩隻。佢用一隻杯仔裝生蠔，加埋酸汁真係超超超好味！仲叫咗熱食：鐵板上嘅蒜片牛粒🤩保持熱力之餘，香味十足。牛肉粒旁邊放咗椰菜吸晒啲汁，忍唔住口不斷食添呀！個汁嘅味道啱啱好，又夠濃，所以啲椰菜掛晒汁😋份量都唔細㗎