影片
更多
2019-05-12
540 瀏覽
有時餓得滯,都唔會咁挑剔,見到咩就食咩啦,仲咁多嘢講咩? 對腳話:主人乜你唔覺得我已經好軟喇咩,仲開#openrice搵呀? 搵得嚟你都PK啦!咁又啱嘅,卒之咪樁咗入去呢間潮味莊囉.呢間潮式飯店,個look就冇乜睇頭,平民過平民,但車水馬龍,好似好受歡迎咁.潮州嘢都離不開叫鹵水鵝咖啦,再整個自選泡飯,炒蜆,滷水五花腩肉飯.鹵水鵝肉$86食落夠鬆軟嫰滑,鹹味適中啲驚喜. 泡飯$42嘅鯇魚片,厚到成塊擦紙膠咁,有誤導成份,但食落又鮮味好食,縱使有啲泥味,湯底都好鮮甜,飲到見底.炒蜆$56都味道不錯,唔太鹹唔太辣,可惜啲蜆好縮水,差啲搵唔到佢啲肉.滷水五花腩肉飯$42,味道較清淡,唔能夠滿足重口味嘅我.承惠$226.抵食,有機會會再嚟!
對腳話:主人乜你唔覺得我已經好軟喇咩,仲開#openrice搵呀? 搵得嚟你都PK啦!
咁又啱嘅,卒之咪樁咗入去呢間潮味莊囉.
呢間潮式飯店,個look就冇乜睇頭,平民過平民,但車水馬龍,好似好受歡迎咁.
潮州嘢都離不開叫鹵水鵝咖啦,再整個自選泡飯,炒蜆,滷水五花腩肉飯.
鹵水鵝肉$86食落夠鬆軟嫰滑,鹹味適中啲驚喜.
泡飯$42嘅鯇魚片,厚到成塊擦紙膠咁,有誤導成份,但食落又鮮味好食,縱使有啲泥味,湯底都好鮮甜,飲到見底.
炒蜆$56都味道不錯,唔太鹹唔太辣,可惜啲蜆好縮水,差啲搵唔到佢啲肉.
滷水五花腩肉飯$42,味道較清淡,唔能夠滿足重口味嘅我.承惠$226.抵食,有機會會再嚟!
張貼
