隨然有機玄米菜食料理 (已結業)

朋友在尖沙咀返工，今日約了我食午餐，說要介紹他的飯堂給我認識，原來是要帶我食素食。這間餐廳同平時的素食有點不同，簡單得來不平凡，平凡得來幾好食。朋友點了他最愛的和食套餐，餐具好靚。蘿蔔、豆腐都幾入味，味道清淡而不會覺單調。糙米飯有少少乾身，配味噌湯啱啱好。我要了全日早餐，超驚喜，賣相都幾吸引，有營養價值之餘，又健康。用米餅代替薯餅，不會油膩。羽衣甘藍清清地，對身體有益，仲有一粒粒合桃，好有咬口之餘又健康。雖然是樓上鋪，但環境雅緻舒服，食物又健康，唔錯。