蠔之神

營業中

休息中

同屋企人去東大街睇吓有咩好食，見到呢間小店就試吓，估唔到午餐都有驚喜。點咗四個餐鵝肝焗飯，卡邦尼意粉，鰻魚滑蛋飯，三文魚親子丼。意粉煮得Al Dente，鵝肝焗飯竟然有兩大塊鵝肝，而且唔係普通嘅鵝肝，軟腍腍煮得非常好味。鰻魚滑蛋飯嘅鰻魚估唔到套餐都有一大塊仲係整得唔錯。食得出個廚係有心做嘅。因為我哋唔係諗住食生蠔嘅，所以就冇點嗰啲平嘅$9生蠔，亦唔知係咪有得點。午餐嚟講三百幾蚊食到咁嘅質素係超值嘅。