Lucky U

營業中

休息中

朋友話上網睇到荃灣開咗間新Bar，我麥坤又點會唔去試下呢？8點幾有 happy hour price，朋友話有啲咳唔想飲酒 (但又話食炸雞以毒攻毒喎)，所以唯有望住我飲喇～ 侍應推介佢哋新入既IPA Brooklyn，麥味都幾重但又唔覺得太苦。炸雞拼盤有8件雞，賣相好似炸得好勁咁，但估唔到咬落去雞肉嫩滑 juicy仲岀晒熱，配埋水牛城醬同檸檬汁，辣辣地酸酸地咁超好食，送啤酒一流呀！個水牛城醬都幾辣下，唔食得辣就唔好點喇。薯條用咗茴香粉作調味料，有驚喜。連配菜沙律都好食，沙律菜配蜜糖醋，勁開胃。見98蚊有安格斯牛肉芝士漢堡咪試下囉，一嚟到我地兩個呆咗，依加我哋係咪去咗 eating challenge定係去咗大人國呀？個巨型burger唔share 一定唔會食得晒，好彩我個口夠大，勉強咬得晒，見到朋友好辛苦咁嘗試一啖咬落去個樣真係好鬼搞笑。牛肉超juicy，一咬啲汁已經流晒岀嚟，脆煙肉，同好大塊芝士。加10蚊仲配薯條沙律喎，真係好掋食。係咪我哋大鄉厘呢？電子既beer pong table 同圓型桌球枱真係未見識過，下次要同成班 friend 過嚟玩先。