影片
更多
2023-05-30
97 瀏覽
又到左以慶祝紀念日為名食餐好為實既日子😌book左我想食好耐既樂鐵板燒😍樂鐵板燒係佐敦，雖然唔係鬧市但地鐵出5分鐘左右路程就會到，店面唔算大，日式裝修就俾到我好溫馨既感覺❤呢度播放既係播懷舊港式金曲，由黑膠碟播出黎既歌真係悅耳👂🏻樂師傅仲有個小天地，客人可以揀聽邊個歌手既歌，我地就揀左張國榮既經典😍為滿足想乜都可以食下既我，各點「十八層海膽杯A5石垣和牛廚師發辦」＋「火焰海膽甲羅燒原隻鴛鴦海膽活龍蝦廚師發辦」一人前🤤🤤前菜▪4款不同口味既前菜(明太子沙律，櫻花蝦玉子，日本沙角，璣煮鮑魚)青森縣蘋果蟹籽沙律-賣相超可愛❤驟眼睇以為係雪糕🙈青蘋果清香爽甜，加埋蟹子沙律醬好fresh，成功為以下既主菜打開個胃🤤十八層海膽杯-好震撼既海膽杯🤩打卡一流👍🏻樂師傅教我地先用魚脆片配海膽食，然後再佢地倒落碟內撈均大大啖食🤤🤤每一啖都充斥住海洋加邪惡既味道😈活龍蝦2食我最愛海膽醬芝士焗，蝦肉爽口彈牙，芝士既咸香同海膽醬好夾❤而男友就鍾意海膽牛油蝦膏煮，龍蝦膏令龍蝦味道更有層次感，墊底既竹炭烏冬索哂龍蝦汁都好出色👍🏻👍🏻日本活鮑魚配西檸肝醬-超級大隻既鮑魚，肉質彈牙嫩滑🤤點埋西檸肝醬出奇地夾😍A4特選石
樂鐵板燒係佐敦，雖然唔係鬧市但地鐵出5分鐘左右路程就會到，店面唔算大，日式裝修就俾到我好溫馨既感覺❤呢度播放既係播懷舊港式金曲，由黑膠碟播出黎既歌真係悅耳👂🏻
樂師傅仲有個小天地，客人可以揀聽邊個歌手既歌，我地就揀左張國榮既經典😍
為滿足想乜都可以食下既我，各點
「十八層海膽杯A5石垣和牛廚師發辦」＋「火焰海膽甲羅燒原隻鴛鴦海膽活龍蝦廚師發辦」一人前🤤🤤
前菜▪
4款不同口味既前菜(明太子沙律，櫻花蝦玉子，日本沙角，璣煮鮑魚)
青森縣蘋果蟹籽沙律-賣相超可愛❤驟眼睇以為係雪糕🙈青蘋果清香爽甜，加埋蟹子沙律醬好fresh，成功為以下既主菜打開個胃🤤
十八層海膽杯-好震撼既海膽杯🤩打卡一流👍🏻樂師傅教我地先用魚脆片配海膽食，然後再佢地倒落碟內撈均大大啖食🤤🤤每一啖都充斥住海洋加邪惡既味道😈
活龍蝦2食
我最愛海膽醬芝士焗，蝦肉爽口彈牙，芝士既咸香同海膽醬好夾❤
而男友就鍾意海膽牛油蝦膏煮，龍蝦膏令龍蝦味道更有層次感，墊底既竹炭烏冬索哂龍蝦汁都好出色👍🏻👍🏻
日本活鮑魚配西檸肝醬-超級大隻既鮑魚，肉質彈牙嫩滑🤤點埋西檸肝醬出奇地夾😍
A4特選石垣和牛-先慢煮再煎香，入口嫩滑肉汁豐富，最神奇既係味道勁叉燒🤣好confuse丫，配菜係法式紅酒漬蘋果，可以中和一下和牛既油膩感👍🏻
香煎鵝肝配山芋餅-鵝肝好香火喉控制得好好，入口即溶，配埋特別既山芋餅同藍莓珠珠好match❤
火焰海膽甲羅燒-同出面食到既甲羅燒完全唔同😍滿滿既海膽，蟹膏，蟹肉魚子，撈均後再用自家整既白松露薯片去食，成個口腔都充滿香氣同幸福感❤火焰精彩部分就唔劇透喇😏
脆皮煎鰻魚-好考師傅功力既菜色，眼見樂師傅煎皮拆骨既功架真係眼都唔想眨🤣魚皮煎都勁香脆差啲以為自己食緊薯片😍鰻魚一條細骨都冇，好正❤
蘭王蛋椰菜花炒飯-炒飯粒粒分明，椰菜花口感獨特，加埋蘭王蛋汁真係絕👍🏻
荔枝豚肉卷-豚肉包住荔枝既口感好得意，勁juicy，再加埋啲蜜糖粒粒好fresh👍🏻
帆立貝原始燒-勁大粒既帆立貝用清酒牛油燒，鮮甜得黎又帶點酒香🤩上菜時樂師傅仲會為佢點火🤩影相超靚❤
焦糖多士-好邪惡既甜品🤣但真係好香口好味🥺
自家製海膽雪糕-海膽雪糕咸甜交融加埋爆炸糖一齊食，好過癮🤣師傅教落留返啖雪糕用紫蘇葉包埋一齊食😏效果係點?留返俾你地自己探索🤣🤣
整體：性價比好高，出面呢個價錢只會食到“行”野😵
呢度店鋪雖然唔大，但一杯一碟什至每樣菜式都feel到樂師傅對自己既要求同執著，唔想自己同出面一街都係既鐵板燒一樣公式化，係固有風味上加上唔同既創意，極具佢既個人風格特色得黎全部都好成功👍🏻
張貼
