一日一咖啡吧

營業中

休息中

一睇張相就流哂口水，係上環有間隱世超高質嘅咖啡吧餐廳！係朋友介紹下就齊去食，價錢合理之餘食材質素高，好快就full house ，想食要早啲去霸定位啦。好多嘢食一日一早餐叫得一日一早餐梗係要食個豐富啦，有番茄， 司華力腸、炒蛋、磨菇、麵包、鹹肉、焗豆同配菜，飽肚之餘每款味道都唔會令到你失望，個牛角包超惹味，每日食到個英式早餐開工都精神啲。自家製蕃茄肉丸意粉蕃茄汁一食就知唔係平時啲茄膏開出黎，而係真蕃茄搞出黎嘅汁，配合埋意粉完全係天衣無縫，再加上自家製肉丸，食落口感十足，肉質淋得黎又有彈性，好好味。Espresso & Long Black兩杯咖啡味道都好濃，磨出黎嘅咖啡果然唔同啲，我就最鐘意Espresso，貪佢表層嘅咖啡脂夠滑流！餐廳用的咖啡豆仲係本地人炒製，咖啡有層次，酸度與咖啡味取得平衡，好味。