Picoso

營業中

休息中

餐廳雖然唔算大，大概有十幾張枱，但坐得舒服，枱同枱之間嘅距離好足夠黑松露白汁焗雜菌飯一上枱已經聞到陣陣黑松露味，面頭仲有好多焗芝士。全部撈匀一齊食，味道相當夾，如果可以再多啲蘑菇就好喇😂😂煙燻手撕豬肉 墨西哥薄餅極度推介！曾經喺其他餐廳食過手撕豬肉，又鞋又霉，但呢度嘅手撕豬肉相當嫩，好入味，而且薄餅嘅份量非常多，$65 set lunch嚟講，性價比好高！特別一提，on top嘅牛油果醬好濃好香🤩墨式香烤豬手一上枱嚇親，豬手真係有兩隻拳頭咁大，相比一般嘅豬手嘅肉質更厚實更滑，調味啱啱好，唔會死咸。由於佢係用烤嘅方式嚟煮，連埋豬皮一齊食都唔會太熱氣。伴碟仲有沙律菜、粟米同薯條。