元朗花甲粉

營業中

休息中

今日路經元朗，見到間隱世小店元朗花甲粉。$60就有大大碗花甲粉，如果細食嘅話兩個人食都得嗰啲餸多到同粉絲差唔多一樣咁多，真係好抵食。間店仲好貼心提供濕紙巾，食完嘢就唔怕搵唔到紙巾抹嘴。今次嗌咗幾樣餸，有幾樣特別深刻。首先係佢個豆卜，索曬佢嘅湯汁咬落去嘅時候，係口爆曬啲濃湯出嚟，超級正。另外佢嘅餐肉全部都係厚切，食落去啖啖肉。叫得花甲粉最出名嘅就梗係去嘅花甲😎， 粒粒花甲都大大粒，好鮮味，浸落個湯度令到個湯底更加出色。另外佢嘅手打檸檬茶真係好特別飲得出真係手打，檸檬亦都非常新鮮。