慢煮工房 (已結業)

觀塘區越來越多新的食店，想食好野有時都要「瓹窿瓹罅」。上個星期六約左朋友去觀塘，佢平日喺觀塘區返工，試過去慢煮工房食Lunch，感覺不錯，所以帶我去試下個假日Menu。餐廳係開放式廚房設計，地方不算太大，但個假日餐牌又幾豐富，可以滿足鍾意食肉既朋友，同時鍾意食得Light啲既女仔都有選擇。我其實週末就想食得清啲，所以點左個Rocamadour Cheese Salad。出人意表地個沙律都幾足料，份量亦絕不吝嗇。隻芝士襯起個象葉生菜又幾好味，芝士本身個味都算濃，配合生菜同橄欖油黑醋就啱啱好。仲加左好多合桃同紅莓乾，令個沙律更加多層次。合桃焗過好香口，Craneberry乾帶少少酸，好開胃。依個沙律既配搭我非常滿意，外面成日都係食Caesar Salad，偶然都要換下口味。