蜜密 (已結業)

喺元朗食完晚飯諗住散步去西鐵站，行過呢間小鋪，見到有心太軟，就行左入去。正所謂快人一步理想達到，入去唔夠五分鐘出面已經要排隊。小鋪即係小鋪！！！見到咁繁忙，緊係即刻叫野食，主要目標心太軟，另外問下有咩好介紹，佢推HONEY SECRET!咁即係咩呢？四個字《《《金絲大波》》》（我講既）（＾O＾）抹茶心太軟配豆腐雪糕 － 抺茶味濃，質感好，流心度'一流再流'豆腐雪糕味－清，唔會太搶，佩埋一齊係幾好既。《《《金絲大波》》》－ 外面係用糖拉做一個"大波"入面有啲"夾心朱古力醬一口酥"個波下面有朱古力醬，如果想食甜啲嘅，拮爆個波將啲糖連朱古力醬攪埋一口酥一齊食。大滿足。