鮪世市場 (已結業)

主食剌身同壽司嘅小店，坐係bar枱望住兩個師傅都幾好feel雖然係小店，但個餐牌好鬼靚，更引起食慾，其實d杯碟都好鬼靚，每次上野食都忍唔住讚下摸下，哈哈先黎3款手卷海膽好鮮甜，三文魚子好飽滿，鰻魚好香又多汁火灸三文魚，火灸左口魚裙邊兩款入到口都好軟身，左口魚油味極香，食完仍然留住油香味係口腔特選本鮪壽司盛四款唔同部位食法嘅吞拿魚我食左第一款，係入口會溶咖！！好耐好耐無食過咁正嘅吞拿魚喇！友人話另外幾款都好正，睇住佢地慢慢享受唔講野住咁是日限定螢光魷魚漬好滑身，雪一聲咁入口，味道好獨特，幾得意，可以再試極上本鮪魚鮫剌身又係入口會溶嘅一款，但比較有口感，真係有食得面珠登嘅滑同油香味北寄貝ok每次都忍唔住叫玉子，暖暖地甜度岩岩好仲有其他都不失所望，一定會再黎食！