河內大娘越南餐廳 (已結業)

平時行尖沙咀比較少行到漆咸道盡頭，但朋友推薦呢間越南餐廳，當然要特登黎試下。甫入座，店員已經好熱情咁簡介佢地既餐牌同埋推介是日美食，服務唔錯。望下餐牌，食物都幾多元化，但我地得兩個人所以嗌左兩個粉麵加一個小食，應該足夠吧。首先講下呢個鮮茄蟹肉湯檬，蕃茄湯底好清甜開胃，飲得出唔係茄膏入湯既質素，手拆蟹肉份量唔失禮，加埋大蝦、肉丸等等配菜，令成碗檬粉更加豐富。到呢一味大娘皇牌火車頭，湯底勝在夠清甜，食落唔會令人好口喝，一碗有晒牛片、肉丸、牛筋、牛柏葉等菜料，都幾飽肚！最後唔少得呢個是日推介既魚餅，佢本身自帶辣味，點番泰式辣醬可以用甜辣中和番估純辣味。魚餅魚味幾香，食得出唔係落左太多粉去整。