返尋味

營業中

休息中

喺一次朋友嘅介紹下，得知北葵涌有一間好食嘅食住家飯嘅餐廳，有日遊手好閑就由元朗搭車去試試。搭巴士去到北葵涌街市後就向餐廳方向行過去，過馬路之後左手邊有個唔顯眼嘅舊商場入口，行下行下就到咗，舖頭平平無奇，地方少少，一入到去就招呼我坐低。坐低之後發現枱面貼心咁放咗酒精搓手液俾食客用，餐牌就貼咗喺牆上面，琳琅滿目，每日都有十樣餸揀，都算多，亦寫住係零添加咪精。唔使五分鐘，飯已經放咗喺我面前，香味撲面，再拎起筷子夾起塊香煎雞扒，咬一啖，煎得啱啱好，再夾起隻雞翼，咬一啖，啲汁好好味，隻雞翼都好好味，再加杯凍檸茶，完結呢一餐。食完之後，覺得不枉此行，好有住家飯嘅感覺，估唔到間寂寂無名嘅隱世小店，竟然能夠令我齒頰留香，想一試再試！