四川菜大平伙 (已結業)

為左影旅發局推廣既壁畫，黎到嘉咸街，影完一輪見到呢間有d隱蔽既四川菜餐廳，忍唔住走入去試下！入到去你會發現呢度唔只係餐廳咁簡單，仲係藝術館！有畫、有藝術品、又播著懷舊既音樂，好似置身於60年代咁！我地2個人，所以叫左個二人中午套餐有雞茸粟米羹同2個自選小菜，我地揀左四川回鍋肉同宮保雞丁。坐低侍應就幫我地例菜同放低小食，小食已經充滿麻辣味，接下來我更加期待先黎雞茸粟米羹，食落唔太’杰’唔太稀，又有好多粟米，足料輪到介紹主菜，四川回鍋肉有好多配料，有椰菜、豆乾，個醬少少辣，十分惹味，回鍋肉食得出係炸完先再炒，用心！宮保雞丁就只有配料花生，但食落好有驚喜，雞肉滑、醬汁有少少酸辣，好開胃，令人停唔到口之後又想想下佢d涼菜，所以又叫左手拍青瓜同椒麻牛肉！手拍青瓜用蒜、醋同麻油製成，好香同好入味，唯一爭d既係青瓜可以再酸d! 另外，椒麻牛肉一上碟我以為自己會食唔到，因為一大堆麻辣醬係面但食落去好有趣，只有少少辣，麻辣香料味好重，牛𦟌又好軟身！