Bro's Cuisine

營業中

休息中

今日觀塘收工，係附近搵下有咩食，搵到呢間係工廈入面嘅餐廳，見有唔小人讚好就試一試佢。主食叫大和牛肉醬千層麵同埋香煎帶皮豚肉扒，兩份主食好帶水準，特別係千層麵非常出色，淨係個外觀攞嚟打卡已經一流。帶皮嘅豬扒比其他餐廳特別，除咗食咗豚肉之外，仲有豬皮，口感豐富好特別。再叫咗一份蟹肉雲吞，配上黑松露忌廉汁，非常好食，入面啖啖都係蟹肉，大滿足。重點會係餐廳甜品，伯爵茶心太軟配雪糕，茶味香濃，心太軟焗得好出色！仲叫咗兩杯冰糕：係開心果味同埋熱情果乳酪味，入面都好足料味道豐富。整體叫咗幾樣嘢食都係水準之上，係一間隱藏喺觀塘工廈入面嘅美味餐廳。