魔膳廚房 (已結業)

今日又冇飯開，諗住近近地公司附近搵野食算，同事話魔膳廚房都ok,咁就魔膳廚房~魔膳廚房係開源道業發大廈1期2樓，可能因為樓上舖既關係，所以平時都冇點留意到呢間餐廳~往餐廳沿途都掛左好多掛畫再往上望就見到魔膳廚房，招牌外圍有好多花花草草，好有綠野feel~地方都算大同寬敞，當晚我地叫左2個餐，套餐包括餐湯、主菜和飲品~另每人加多$38就可以任食沙律，自助沙律枱有青瓜、玉米、蕃茄仔、啫喱etc.是日餐湯有蜆湯同雜菜湯，我地就揀左雜菜湯，碗湯都幾多雜菜味道香濃，帶點微辣，好飲餐湯仲會跟埋餐包，餐包外層好脆，點牛油或餐湯食都可以~主菜叫左德國烤無骨豬手同法式春雞~德國烤無骨豬手配薯角跟黑椒汁 $188豬手上枱時仲熱辣辣，而且肉質比較軟身，加上無骨既關係，都好易切開~味道就咸咸地，點埋d黑椒汁食，夠晒濃味黑椒汁好白搭點薯角食，都好好味烤法式春雞配薯菜跟燒汁 $178烤春雞外皮好脆，肉質嫩滑配上燒汁食，味道也不錯~旁邊仲有個煙肉包住玉米芯同露筍既配菜玉米芯好爽甜，露筍都好爽口，煙肉就偏肥~飲品跟餐可加$3轉果汁，加$5轉梳打我地就轉左1杯橙汁同埋1杯青蘋果梳打青蘋果梳打賣相很美，望落去係下綠上透明