影片
更多
2021-02-25
257 瀏覽
相信好多人對蛋治都有種情意結，而本人最鍾意嘅就係咸牛蛋治😋，但原來而家嘅蛋治已經演變到好多唔同嘅花款，今次要介紹嘅係位於元朗嘅蛋治，佢嘅蛋治最特別之處係在於佢嘅蛋係完全覆蓋住塊麵包😳佢嘅蛋治花款多多，經過一輪1516後，最後都係嗌咗都幾多人推薦嘅蟹膏蛋治😀 呢份蛋治比起出面嘅簡直係巨人級size，面頭鋪滿咗蟹籽同飯素，個炒蛋炒得好靚仔，望上去已經知好滑溜，影相打卡一流🤪 切開入面係薄薄嘅麵包，包住蟹籽、蟹柳同蟹膏，餡料好足，而蟹膏味亦都好濃郁🤤 呢個蛋治食上去同平時嘅完全唔同，完全顛覆咗我對蛋治嘅認知🤣見佢仲有賣好多種唔同味嘅奶茶，偏向飲清新少少口味嘅我就嗌咗呢款桂花烏龍奶茶，仲要少甜添，飲上去有少少桂花味，但可能嗌咗少甜，略嫌茶味唔夠濃🤔 再加上呢個價錢，只得細細枝，性價比有少少低🙈 但我覺得可以再俾多次機會佢，如果下次再試會嗌返正常甜度🤣總括而言，️呢間特色小店以呢款巨型蛋治做生招牌，非常推介比平時鍾意食蛋治或者鍾意周圍試新野嘅你👍🏻 不得不佩服老闆嘅創意，完全無諗過蛋治可以蛋係出面，包喺入面😆 再加上佢係黃店，下次入元朗絕對會再去幫襯🤓
佢嘅蛋治花款多多，經過一輪1516後，最後都係嗌咗都幾多人推薦嘅蟹膏蛋治😀 呢份蛋治比起出面嘅簡直係巨人級size，面頭鋪滿咗蟹籽同飯素，個炒蛋炒得好靚仔，望上去已經知好滑溜，影相打卡一流🤪 切開入面係薄薄嘅麵包，包住蟹籽、蟹柳同蟹膏，餡料好足，而蟹膏味亦都好濃郁🤤 呢個蛋治食上去同平時嘅完全唔同，完全顛覆咗我對蛋治嘅認知🤣
蟹膏蛋治
$58
37 瀏覽
1 讚好
0 留言
見佢仲有賣好多種唔同味嘅奶茶，偏向飲清新少少口味嘅我就嗌咗呢款桂花烏龍奶茶，仲要少甜添，飲上去有少少桂花味，但可能嗌咗少甜，略嫌茶味唔夠濃🤔 再加上呢個價錢，只得細細枝，性價比有少少低🙈 但我覺得可以再俾多次機會佢，如果下次再試會嗌返正常甜度🤣
少甜桂花烏龍奶茶
$28
39 瀏覽
0 讚好
0 留言
張貼
