Cafe Gabbana

營業中

休息中

今晚入左九龍城試吓一間意大利餐廳，圓拱大門好有特色，一入門口就見到華麗既吊燈，店內裝潢主要用上奶黃色格調，牆上掛有抽家派畫作，充滿住藝術氣息。我地點左2份 SET DINNER，是日餐湯揀左蘑菇湯同埋洋葱湯，蘑菇湯香濃得黎又唔會太重口味，洋蔥湯非常清甜，仲有好多洋蔥片。蒜蓉包外脆內軟，蒜蓉味道夠。蟹肉蘑菇布甸沙律/軟殼蟹沙律沙律菜用上羽衣甘藍，搭配黑醋同埋柚子醋，酸甜適中，蟹肉磨菇布甸蟹肉份量好多，每啖都食到鮮嫩既蟹肉，軟殼蟹炸得外脆内軟，配上沙律，清爽得黎又不失飽足感。煎豬鞍配蘋果芥末 豬鞍煎得剛剛好，外皮煎得微焦，内裡卻保持了豬肉的嫩滑，搭配蘋果芥末非常清新，口感層次感豐富。燒美國封門柳扒美國封門柳扒要左medium 熟成度，牛肉味極為濃都，肉質軟腍，配菜用左蕃薯條，入口甜甜地。