影片
更多
2017-03-04
4604 瀏覽
今日難得同好友慶祝生日，當然要食好D，見到Life Break評價唔錯，一於去試下。餐廳地方唔大，環境舒服，我地3個女子D袋同生日禮物加加埋埋都唔少野，待應哥哥好好人咁額外俾多張凳我地，真係幾貼心。BBQ 豬仔脾 (2件) - 先叫左個小食BBQ 豬仔脾 (2件) ，豬仔脾好嫩滑，配埋BBQ醬一流，連配菜的沙律都係靚菜，味道一流！我地叫左兩個 main course，兩個都加左$40 轉為套餐 (包括餐湯、沙律及飲品)，原本覺得加$40 都唔平，但食完個沙律絕對覺得超值，三文魚沙律的三文魚係大大塊同靚的沙律菜；忌廉薯仔湯同餐包都係有誠意的，唔係一般罐頭湯同普通包，而係高質素的良心食物。墨汁魷魚海鮮燴飯 - 材料充足，飯入面有不同的海鮮仲有加洋蔥，每啖都充滿驚喜，配上檸檬散發的微酸好開胃。美中不足係我覺得有少少偏咸，但瑕不掩瑜。燒美國頂級安格斯肉眼扒 (11安士) 加$5 配蕃茄意粉 - 燒美國頂級安格斯肉眼扒 因為就返朋友唔想太生叫左7成熟，原本都怕太熟D肉會變老，但火喉掌握得好好，入面都係好嫩滑，而且分量冇欺場，三個人食都好足夠。$5 加配蕃茄意粉都真係超正，酸酸甜甜好味道。加左$1
BBQ 豬仔脾 (2件)
$48
54 瀏覽
1 讚好
0 留言
忌廉薯仔湯
19 瀏覽
0 讚好
0 留言
三文魚沙律
27 瀏覽
0 讚好
0 留言
墨汁魷魚海鮮燴飯
$128
24 瀏覽
0 讚好
0 留言
燒美國頂級安格斯肉眼扒 (11安士)
$208
43 瀏覽
0 讚好
0 留言
蕃茄意粉
$5
19 瀏覽
0 讚好
0 留言
奇異夏日 / 藍色多瑙河
32 瀏覽
0 讚好
0 留言
Creme Brulee
$30
30 瀏覽
0 讚好
0 留言
其實甜品雖然一早叫左心太軟，但等左一陣子先講個爐有問題整唔到。見到好多食評都話好食，真係好可惜試唔到。結果唯有轉焦糖燉蛋，餐廳都好好幫手插蠟燭，同埋我地係餐廳叫左待應哥哥好幾次幫我地影相都好樂意幫忙，真係好難得有咁好的服務。整體而言，餐廳各方面質素都好高，性價比之高難得一見，絕對會再去，值得推薦。
張貼
