臻 (已結業)

喺香港島香港大學站附近，有一間主打食點心的小店，裝修都比較新派，唔似一般傳統酒樓一樣。坐得都比較舒服，今日同幾個朋友放左學，黎試吓呢度嘅點心，同一般酒樓有咩分別。果然不出我所料，點心的種類雖然不太多，但係十分精緻。茶位每位$5，較一般酒樓貴。素菜餃懷舊馬拉糕懷舊馬拉糕比較失色，食落都未夠鬆軟，反而富貴金魚餃，令人十分驚喜。外表極似一隻金魚，栩栩如生，入面釀了魚肉，內在美爆棚。香炸荔芋鴨荔芋鴨造型好可愛，原隻鴨仔入邊全部都係好香的芋泥蓉。炸香好脆口，不過朋友都話食完成隻有少少膩，要飲返杯茶解下油膩感先得。煎釀茄子煎釀茄子色香味俱全，份量有半隻手掌咁大，勁king size! 魚肉彈牙，而且茄子煎香了之後配上燒汁，感覺好惹味。點心精緻，定價跟一般酒樓有別。不過勝在坐得舒服，適合同初次到訪香港的朋友來食。