賀喜 (雲疊花園商場) (已結業)

今晚放工入大圍搵個朋友食晚飯，為咗就佢住沙田所以就專登入嚟新界搵嘢食。經過見到呢間日本料理好似唔錯就入去試吓。吞拿魚、三文魚、活北寄貝同埋鯖魚刺身味道都幾鮮甜。牛舌同埋煙肉帶子串燒係即叫即燒嘅，熱辣辣味道唔錯。芝士焗蠔芝士份量唔算多，主要係沙律醬，同燒蠔一齊食味道都幾夾。土佐豆腐個外皮比較口，外邊嘅木魚絲炸得好香，都富嘅口感幾軟滑，加埋醬汁一齊食，味道唔錯。鵝肝煙肉炒飯，仲有啲蟹肉撈埋一齊炒，味道都唔錯。但感覺鵝肝同煙肉嘅味道唔係太夾，反而蟹肉令到碗飯食落幾清新。